Noel.. Jól..

Komin tími til að blogga, þar sem margt hefur á daga mína drifið síðan síðast..

18. desember fór ég til Parísar með Dominique, Celine og Mariu.. Það var alveg æðislega gaman !
Tókum lest um morguninn, komum til Parísar um 10. Svo fórum við á sýningum um Kínaveldi í gamla daga á Louvre, það var frekar óskipulagt og ég skildi lítið sem ekkert en ég hef þó farið á Louvre :) Svo var komið hádegi þegar við komum þar út og Celine fór með okkur á Japanskan veitingastað sem hún þekkti. Hún bjó í 7 ár í París þannig að hún þekkir hvern krók og kima þarna ! En þessi veitingastaður var algjör snilld, sátum í hálfhring í kringum eldhúsið og kokkarnir réttu okkur matinn... Svo var maturinn líka algjört lostæti, svo það var ekki verra.. Eftir hádegið var bara tekið rölt um götur Parísar, það var bara yndislegt- ég elska París ! Miklu skemmtilegra að fara í óplanaða rólega menningarferð heldur en þaul skipulagða sveitta túristaferð- ég sá ekki einu sinni Eiffel turninn :) Ég fann geggjaða vintage búð í hommahverfinu, ætla að muna götunafnið !
Þetta var hreint út sagt vel heppnuð ferð..
Svo 22.des fórum við Maria til Lille. Ég gisti hjá henni í 2 nætur. Fórum þangað um morguninn, gerðum smá jólainnkaup og ég keypti mér m.a. jólakjól.. Svo eftir hádegið fórum við á Rótarý fund... óformlegur fundur, samt með fullorðnum gaur frá Rótarý... og krakkarnir pöntuðu sér bara bjór eins og ekkert væri.. og kallin borgaði. Svo fórum við í Parísarhjól og á jólamarkarðinn.. Fyrsta skiptið mitt til Lille, falleg borg !

Jólin... 
23. desember er sjálfst mest óhefðbundni dagur ævi minnar... Engin kom í heimsókn með jólagjafir, ekkert jólaskraut sett upp og ENGIN þorláksmessuheimsók í Hamrafellið og síðast en ekki síst... ekki vottur af vetri ! Borðuðum á Mac Donalds í hádeginu, svo tók ég jólahreingerningu inni hjá mér svona til að fá ögn af jólafýling.. Þegar ég fór í rúmið um kvöldið hugsaði ég að ég gæti alveg eins vaknað daginn eftir og farið í skólan, svo mikið var jólaskapið.
 Aðfangadagur var skrýtinn... Þegar ég vaknaði um morguninn ákvað ég nú að halda í þann vana að fara á náttfötunum og horfa á jólabarnaefnið í sjónvarpinu... Þrátt fyrir allar þessar barnastöðvar var engin jólaleg.. Glampandi sól, c.a. 10 stiga hiti og ennþá grænt sumargras. En eftir hádegið hvarf þessi Skröggsdrungi .. Dominique sagði að nú myndum við taka til, held ég hafi aldrei verið jafn himinlifandi yfir því að þurfa að taka til.. Ég naut þess í botn að fá smá vott af jólahreingerningu- þó hún væri á aðfangadag.. Aðal jólaskrautið var líka undirbúið- Matarborðið. Þar var að sjálfsögðu spes dúkur, jólamatarstell.. en svo skraut.. Glimmer, gervisnjór, styttur og bara name it ! Ég eyddi síðan restinni af deginum að horfa á sjónvarpið, heldur glaðari í skapi... en það vantaði samt eitthvað. Svo fór ég nú og klæddi mig í jólafötin kl. 18:30, frekar einkennilegur tími, en hvað um það. Svo aðstoðaði ég Dominique sem var búin að standa í eldhúsinu síðan eftir hádegið við að undirbúa forréttinn... Svo um 20:30 voru allir tilbúnir og þá var skálað í kampavíni, ekki mitt uppáhald, en forvitnilegt að prófa. Eftir kampavínið var skipst á gjöfum. Ég gaf strákunum ullarsokka sem amma Hafdís prjónaði og stelpunum inniskó sem mamma prjónaði( svo gaf ég litlu krökkunum ullarsokka & vetlinga sem Sigga amma prjónaði). Þeim fannst þetta alveg frábær hugmynd og voru svaka þakklát.. Frá Dominique og Charles fékk ég klút, ljósmyndabók frá Cote d'Opale, handáburð og varasalva gert úr vínberjum og dvd frá Live 2003 -Coldplay og frá Anne-Charlotte fékk ég ótrúlega flott hálsmen..
Svo hófst átið ! Í forrétt var Foi gras, svaka gott... Í aðalrétt var geldhani  (íslendingum virðist finnast það fyndið) með ljúffengri fyllingu, karteflumús og einhverju fleiru man ekki.. Svo í eftirrétt var eitthvað sem ég veit ekki alveg hvernig á að lýsa en það var svaka bomba ! 3 tegundir í boði... 

Eftir mat, ákvað ég að opna alla pakkana frá Íslandi, þeim fannst ég vera með marga pakka, þau fá bara frá foreldrum og systkinum en ekki allri ættinni eins og ég hehe :D
Og þeir voru svo margir að ég nenni ekki að telja allt upp, en það var mest af íslensku nammi .. Takk allir æðislega ! Þegar ég var búin að því horfði fjölskyldan saman á sjónvarpið !! Charles líka, annað skipti sem hann horfir eitthvað af viti á sjónvarpið ! Horfðum á sketsa frá Francois Damiens, vá hvað hann er fyndin, ég bara veltist um af hlátri !
Þessar áhyggjur og vonleysi var alveg óþarfi, þó ég hafi ekki heyrt kirkjuklukkur Dómkirkjunnar í útvarpinu og þó það hafi ekki verið snjór eða Þorláksmessuheimsókn í Hamrafellið.. Jólin koma, alveg sama hvað, og sú viska sem ég fékk úr myndinni Polar Express sem ég horfði á á Þorláksmessu segir það einfaldlega að það er jólaandinn í sjálfum þér sem gildir. Og ég fann það að jólagleðin í sjálfri mér gerði þetta ennþá betra !

Og á Jóladag kom Aude og fjölskylda í hádegismat.. Það var voða gaman en mér leið bara eins og það væri venjulegur sunnudagur þegar vinir Louis komu bara í heimsókn .. Ég hélt ég yrði ekki eldri, en þau sögðu nú gleðileg jól við mig þannig það stoppaði mig frá því að henda þeim út hehe. Á jóladagskvöld fór svo Anne- Charlotte í skíðaferð með Celine og fjölskyldu og þau koma ekki fyrr en á gamlárskvöld heim. En Louise litla mús varð hinsvegar eftir, og fer aftur heim til sín á morgun. 

Svo hafa síðustu dagar verið heldur viðburðalitlir og það hefur dregið mig svoldið niður, því að jólin eru bara búin og fólk búið á því eftir allt "átið" - 2 stórar máltíðir og fólk kallar það át? Ég gæti nú étið til áramóta og það myndi kallast ÁT ! og hana nú. Í gær fór ég reyndar með Mariu að hitta fyrri fósturfjölskylduna hennar í Lens. Lens er ghost town.. allt svo skuggalegt þar ..
Á morgun kemur mamma Charles í heimsókn yfir helgina... Mér skilst að það sé ekkert sérstakt gert á gamlárskvöld þannig ég verð bara að finna mér eitthvað tilbreytilegt að gera :)

Jæja, Jólin eru bara búin, jólaskrautið er samt enn uppi.. snjórinn enn ókominn og allt við það sama ef svo má segja. Þetta voru skrýtin jól, en ég ætla samt að vera jákvæð og þakklát því að ég á ekkert svo bágt... Með helling af íslensku nammi, íslenskum bókum, íslenskri músík og síðast en ekki síst BÆNDABLAÐINU.

Segi þetta gott í bili, og þetta mun verða síðasta bloggið á árinu 2011...
Ég trúi því , leyfi mér að vera smá væmin, að árið 2012 færi mér birtu og gleði í hjarta og allt fari bara upp á við ...

Segi bara svoldið fyrir fram : Gleðilegt nýtt ár og takk innilega fyrir það gamla !

Ykkar, Katla 

Jólin nálgast..

Á föstudaginn í síðustu viku var ég búin að vera í Frakklandi í 3 mánuði.. Ég trúi þessu ekki, og 7 mánuðir eftir, núna skil ég hugtakið tíminn flýgur.. Ég tek ekki eftir því hvað hann líður óeðlilega hratt! bara, það er komin mánudagur og svo allt í einu er komið sunnudagskvöld !

Skólinn gengur bara vel... Um daginn var Conseil de Classe, sem er svona hálfgert foreldraviðtal, nema ekki foreldrar.. Bara ALLIR kennararnir manns saman komnir í eitt herbergi og sitja í hálfhring og við nemendurnir inn í hringnum.. Svo vorum við nefnd eitt í einu og kennararnir kommentuðu á okkur hvort við stóðum okkur vel eða ekki.. Gott að það er ekki svona á Íslandi, frekar stressandi.. en þar sem ég er bara íslenski skiptineminn sem skilur ekkert, þá voru þau ekkert vond við mig hehe :) Svo í dag kom svona hálfgert einkunnablað í hús.. Takið eftir að hér er hæsta mögulega einkunn 20 en ekki 10 eins og á Íslandi..
Histoire: 2 (þetta er einkunnin úr einhverju verkefni sem ég misskildi fyrirmælin), Anglais Normal 15, Anglais Renforce 11.4, Litterature Etrange Anglais 15,3 (Svo fékk ég Bravo! fyrir aftan og fékk líka 20/20 í munnlegri kynningu um daginn sem ég var að farast úr stressi út af :D ) Sport 12.5.. Og meðal einkunn- 10.3
Ég er bara sátt hehe :)
Núna erum við hætt í útihlaupi í íþróttum, og byrjuð í Acrogym.. Það reynir ekkert á, en vaknaði með harðsperrur frá helvíti daginn eftir.. Ég reyndi að teygja vel á eftir tímann í dag... sjáum til hvernig ég verð á morgun hehe :)
Ég er búin að finna mér nýjan stað til að vera á... (vá þetta hljómar eins og eitthvað sálarlag !) Þegar ég þarf að bíða lengi eftir bus og kalt er úti, þá skelli ég mér bara á bókasafnið,  Guð hvað ég eeelska það ! Þar eru allar heimsins bækur, helling af tímaritum, helling af plássi til að læra og lesa... Æðislegt !

Eins og ég sagði þá nálgast jólin óðfluga...
Það eru hreint út sagt blendnar tilfinningar í tengslum við það ..
Ég er náttúrulega eitt mesta jólabarn sem fyrirfinnst, þannig auðvitað verða þetta skrýtin jól.. Svo líka ennþá skrýtnara því að hér er grasið enn grænt og fer aldrei niður fyrir frostmark! En hér er allt að jólast smátt og smátt.. En auðvitað engin kósý,rómó, aðventustemming eins og heima, en ég bæti það bara upp með því að horfa á jólaljósin og fá mér mandarínu við hvert tækifæri..
Ég reyni að hugsa sem minnst út í þá staðreynd að ég verði ekki á Krossi með fjölskyldunni minni á aðfangadagskvöld... Ég er ekki með heimþrá, bara svo það sé á hreinu, ég bara á mjög erfitt með að átta mig á því hvernig þetta verður, sérstaklega þegar jólin eru ekki eins mikið mál hér og heima.
Auðvitað er þetta spennandi, þrátt fyrir allt.. Ég er jú hér til að prófa eitthvað nýtt... þannig ég reyni bara að leiða hugan fram hjá því leiðinlega og ýti á *next* þegar Helga Möller syngur "Heima um jólin" og pæli í öllu því framandi og spennandi í sambandi við þetta allt ! Til dæmis er allt morandi í jólamörkuðum hérna.. Einn stór í Arras sem hófst 25.nóv og endar á Aðfangadag, þar smakkaði ég um daginn heitan appelsínusafa með kryddi - jól í glasi!.. Svo eru aðrir litlir um helgar í bæjunum, frekar krúttlegt, Svo er líka skautasvell þar ! Bekkurinn minn er að plana að fara þangað í jólafríinu ..  Svo núna í dag var jólatréð sett upp, thank god að það er lifandi.. veit það er fáránlegt en ég get ekki hugsað mér að hafa gervi jólatré ! finnst það svo ó-jólalegt ! Til að loka þessari jólaumræðu þá ætti ég að horfa í kringum mig og pæla í því hvað ég hef það gott, held jólin hjá góðri fjölskyldu, fæ mat og hlýju, meira bið ég ekki um !

Ég steig á vigtina í fyrsta skipti síðan ég kom um daginn..
- Allt sem ég get sagt er- ég ætla í átak eftir jól.

Í gær gisti ég hjá Mariu vinkonu minni frá Mexíkó sem er með mér í bekk.. Það var nefnilega St. Nicolas.. það er einhver hátíð tileinkuð strákum en líka svona í tengslum við jólin.. Þannig um kvöldið fórum við á einhvern lítinn sætan jólamarkað og á leikrit þar sem við vorum örugglega einu manneskjurnar sem voru yfir 5 ára hehe ! Það var bara gaman..

Svo er ég örugglega að gleyma einhverju sem ég er búin að vera að gera, en ég vil frekar svona segja hvernig mér líður og hvað er að gerast frekar en að lýsa dögunum nákvæmlega.. :)

Randome punktar
* Um daginn fór ég í messu upp á grínið, fyrsti tíminn féll niður og þá var akkúrat messa í kirkjunni rétt hjá skólanum.. Ég ætla ekki að fara að stunda þetta en það var fróðleg upplifun að fara í kaþólska messu..
* Hér eru foreldrarnir farnir að drekka rauðvín á hverju kvöldi, byrjuðu bara allt í einu..drukku aldrei og svo núna alltaf !
* Hér er rigningar rassgat ! ógeðsleg rigning alltaf ! Væri frekar til í smá snjó..
*Já ég fór í klippingu um daginn og klippti hárið stutt.. en þið eruð sjálfsagt flest búin að sjá myndir af því..
* Ég á bara eftir þessa viku og næstu svo JÓLAFRÍ !
* 18.des fer ég til Parísar !! Með Mariu, Dominique og Celine, ætlum á einhverja sýningu í Louvre svo kannski túristast aðeins :)
* Margir segja að tungumálið komi á 3 mánuðum, ég get ekki sagt að það sé þannig hjá mér... Ég nenni ekki að vera að pæla í tíma, ég bara reyni að vera eins dugleg og ég get að læra.. svo kemur þetta bara með tímanum.. :)


Jæja, nú ætla ég bara að fara að jólast og jólast...
Eigið þið friðsama og notalega aðventu elsku vinir, hugsa til ykkar alltaf þegar ég fæ mér mandarínu á meðan ég horfi á jólaljósin í rigningunni :)

Bisous,
Katla

Kuldi - hjartahlýja

Ætla að standa við mín orð og vera duglegri að blogga !

Heimþráin loksins farin, guði sé lof ! Auðvitað sakna ég ykkar allra ótrúlega mikið en ég bara farin að sætta mig við allt eins og það er og langar ekki að fara að grenja í hvert skipti sem ég sé eitthvað sem minnir mig á Ísland :)

Ég hef ákveðið að hætta að versla föt þangað til ég kaupi mér jólakjól.. Það hefur reynst ágætlega, en ég er bara farin að kaupa mér meiri mat í staðinn hehe.. ég fer örugglega í bakarí á hverjum degi og kaupi mér eitthvað gott í magann... Ég hef ekki þorað að stíga á vigtina síðan ég kom.. ég er að fitna that's a fact.. ég er ekki AFS'ari fyrir ekki neitt, því að AFS stendur ekki bara fyrir American Field Service heldur líka Another Fat Student !

Í skólanum er alltaf meiri og meiri heimavinna, þó að ég geri bara heimavinnuna fyrir enskuna. Held að það sé út af 2 ástæðum, því að BAC (mega-huges- lokaprófin) er að nálgast og því að ég er farin að skilja meira = bæði skemmtilegt og leiðinlegt.. :)

Núna eftir að þetta skall í 2 mánuði byrjaði einhvernveginn ALLT að gerast !
- Heimþráin hætti
- Franskan byrjar að límast betur inn í mig, engan veginn perfait, en þetta kemur hægt og rólega og ég farin að geta haldið uppi sæmilegum samræðum um daginn en þó ekki veginn..
- Byrjaði að vera meira með vinum mínum , mér finnst það merkilegt því að það er ekki eins sjálfsagt fyrir mig, því að ég átti enga vini þegar ég kom en þetta þýðir að ég á vini og þannig, held að engin skilji þetta.. en svona líður mér haha :)
- Tengslin við alla í fjölskylduni að verða meiri :)

Hér er kuldinn yfirráðandi.. og það sem verst er að það er mikið hlýjara á Íslandi !
Ég er farin að sofa í ullarnærfötum, aldrei gert það - ekki einu sinni í útilegum !
Ég væli við hvert tækifæri í ykkur heima að mér sé kalt, en ég er búin að finna tækni: Ég er kappklædd yfir daginn, helst í 2 bolum og 2 peysum undir kápunni og svo með húfu, trefil og vettlinga. Fer stundum og fæ mér chocolate chaud á kaffihúsi- það gerir gæfumun ! Svo skelli ég mér í heita sturtu rétt fyrir svefninn og þá er mér nógu hlýtt, og skelf mig ekki í svefn... Og svo varð þetta allt betra þegar ég fékk þessa æðislegu ullarpeysu frá elsku ömmu Hafdísi í dag ! <3 TAKK :D

Hérna úti eru jólin á næsta leiti... bara rómó..
Allar búðirnar búnar að skreyta, jólanammið komið í Monoprix (sambærilegt Hagkaup), jólaljós gatnanna tilbúin til að láta kveikja á sér, jólabæklingar koma í pósti og svo er verið að setja upp jólamarkaðinn í Arras..
Sjálfsagt er allt svipað á Íslandi, en mér finnst þetta öðruvísi, skemmtilega öðruvísi !

Randome punktar
* Ég á mjög erfitt með að skilja uppeldið á börnum hér.. Öskur er notað við hvert tækifæri, jafnvel þó barnið gerði nákvæmlega ekkert rangt.. Ég fæ bara illt í magann þegar ég heyri móður öskra á barnið sitt !
* Um daginn gerði ég uppáhalds matinn minn, Rækjurétt fyrir fjölskylduna, þeim fannst hann góður
* Í haust kom ég heim um hálf 7 og slakaði á restina af kvöldinu, núna kem ég heim á sama tíma og læri fram að mat og þangað til ég fer að sofa.. erfitt líf.
* Ég er búin að fara 4 sinnum í bíó hérna, á Polisse(mynd um lögreglur sem hugsa um velferð barna) fór með Celine og Dominique, TinTin (Tinni) fór með Anne-Charlotte og vinum hennar- Antoine og Julian, Intouchable(um mann sem verður aðstoðarmaður hreyfihamlaðs manns, ótrúlega góð- ef svo ólíklega vill til að hún komi til Íslands- horfið á hana!) með Jacqueline sem er með AFS frá usa,  og svo í gær fór ég á On ne chosir pas sa familie ég fór ein- svo dugleg :D og bókstaflega ein því að það var ein önnur manneskja í bíósalnum !
* Er að elska Mylo Xyloto - nýju Coldplay plötuna, uppáhalds lag: Up In Flames <3

Veit ekki hvort þetta telst langt eða stutt blogg...
En það verður að duga því að þetta er allt ! :D

à bientôt,Katla 

Dagur 60 - 2 mánuðir

Næstum því mánuður síðan ég bloggaði síðast.. Finnst vera komin tími á nýtt blogg :)

Síðustu vikur hafa verið frekar erfiðar, Heimþráin bankaði uppá einn verðudaginn og það er ekkert svo auðvelt að losna við hana ! Þetta er í fyrsta skipti sem ég fæ alvöru heimþrá og vá hvað það er ömurlegt ! Ég er bara með geðklofa- eina stundina er allt frábært, en svo þarf ég ekki nema að sjá eitthvað sem minnir á Ísland og þá langar mig mest að fara að gráta... Það er mjög erfitt að ráða við þetta. En þetta er að dofna núna, auðvitað sakna ég ykkar allra ógeðslega mikið, en ég hef stjórn á sjálfri mér núna. Og hugsa út í það að ef að ég myndi nú gefast upp, þá væri allt frábært kannski svona fyrstu vikuna.. Svo kæmi bara venjuleg rútína... Finnst fullmikið að kasta 1. milljón í burtu, bara til þess að knúsa ykkur öll tvisvar :)

Held ég ætti að blogga oftar, því ég er búin að gleyma öllu sem ég er búin að vera að gera hehe :)

Búin að vera 6 vikur í skólanum og það gengur bara vel og allt komið í nokkurn vegin rútínu hér..
Mánudagar: Vakna 7 og tek bus kl.8. Skóli 9-16 og 2 tíma hádegishlé ! Eftir skóla rölti ég bara um Arras, og fer örugglega í 75 % tilfella í Pimkie og kaupi mér eitthvað :) Svo bus kl. 17:30. Komin heim um 18, þá bara chil fram að mat sem er kl.20, og svo eru allir farnir í rúmið um og upp úr 22 hér!

Þriðjudagar: Vakna 7-bus kl.8. Er í skólanum 9-17 og 1 og 1/2 tíma hádegi. Bus heim kl. 17:30. Og svo bara venjuleg kvöldrútína: borða kl.20, horfum á Tv, drekkum kannski heita mjólk  með kanill og hunangi og svo mjög snemma í rúmið því að það er ræs snemma daginn eftir.

Miðvikudagar: Vakna kl. 5:30 !!!! Úff hvað það er erfitt. Og bus kl.6:30. Er komin til Arras um 7:20 og byrja ekki í skólanum fyrr en 8:15, þannig maður situr bara inn í CDV og bíður, það er risa herbergi með helling af stólum, einu sjónvarpi og fótboltaspili. Þar sitja allir í frímínótum, hádegishléum o.s.f.v. ógeðslega leiðinlegt ! Svo er skóli frá 8:15-12. Tek strætó kl.13 þannig stundum fer ég í kaffiteríuna og borða hádegismat þar, en stundum borða ég þegar ég kem heim kl.14. Miðvikudagar eru chiillll dagar ! Tek oftast til í herberginu mínu og slaka svo bara á eftir 2 klukkutíma af Histoire og 2 tíma af íþróttum- erfiður skóladagur!:)

Fimmtudagar: Vakna 7 og bus kl.8. Skóli 9-18, langur dagur  með 4 klukkutímum af frönsku (Y).... Anne -Charlotte vinnur á fimmtudögum ,til 19, þannig ég útrétta bara og kem svo heim með henni.. 

Föstudagar:  Er bara í 1 tíma :D Og það eftir hádegi! Þannig ég sef alltaf bara út og svo er tími frá 13:25-14:45. ..

Einhvern föstudaginn var Le Cross. Hlaup, sem allir í skólanum taka þátt í ! Þetta er svaka viðburður, margir komu í búningum, t.d. var ein bekkjarsystir mín Harry Potter, og bekkjarbróðir Stalin.. Okkur var skipt í hópa eftir því sem kennurunum fannst við eiga heima í og ég var í hóp nr 2 /4. Þetta var ekki erfitt hlaup, og er í ágætis formi því að ég er búin að vera í hlaupi síðustu vikur í íþróttum. En Abby bað mig um að labba með sér og ég gerði það, þannig við komum næstum síðastar í mark hehe :D. En það sem ég vissi ekki var að þetta er greinilega eh merkilegt, og við fengum niðurstöður í næsta íþróttatíma og ég var í sæti nr. 371 á meðan allir hinir voru í 100-200 haha :D Bara fyndið !

Um daginn fórum við í keilu ! Þ.e.a.s. Við fjölskyldan, Celine og Jean Philippe, málararnir Philippe (frændi), Francisco og Alexander og svo dóttir Philippe og kærastinn hennar, Remi. 

Það var gaman og ég fékk þetta flotta nafn; Catela haha ! Þetta er bara hvernig þau bera það fram :) Ég ownaði þetta til að byrja með en svo var ég með þeim neðstu í lokin hehe :) Þegar við komum heim, þá æxlaðist það þannig að hundarnir 2 voru upptjúnaðir í sama herbergi = ekki gott ! Þannig að þeir fóru í slag, og allir , nema ég hehe, voru að reyna að stía þeim í sundur. Úff, þetta er erfitt að vera með svona vesen, maður þarf alltaf að passa að þeir séu ekki í sama herbergi, en ef þeir eri í sama herbergi þarf annar að vera bundinn fastur! 

Er búin að fara nokkrum sinnum  út að borða, reyndar ekki búin að fá mér einhvern nýjan franskan mat.. Alltaf bara pizza eða burger :)

Ég hef ekki þorað að stíga á vigtina hérna, en ég verð að viðurkenna að ég hef sjaldan borðað jafn mikið og síðan ég kom hingað... AFS- Another Fat Student ! :D

Á miðvikudaginn í síðustu viku fór ég með Rob og Abby að hitta vini þeirra í hádeginu.. Þeir heita Miguel og David, fínir strákar.. Fengum okkur að borða og svo bara löbbuðum við um Arras... 

Franskan er svo sannarlega ekki auðvelt tungumál !! Ég er alveg farin að geta bjargað mér, og skil ágætlega ... En það sem heldur aftan að mér(eða hvað sem maður segir) er að ég tala ensku við vini mína.. En við erum búin að ákveða að héðan í frá ætlum við bara að tala frönsku :) 

Síðan á föstudaginn 21.okt er ég búin að vera í fríi... Og byrja ekki í skólanum fyrr en á miðvikudaginn :D
Það er mjöög sweet, mér finnst þetta reyndar, ótrúlegt en satt, full langt ! Ég hefði alveg verið til í að byrja í skólanum í dag. 

Ég er bara búin að vera að slaka á heima og læra :) Ég las sögu eftir Edgar Allan Poe, ekki gaman, og þurfti svo að gera "My reading notebook" eftir það, þar sem ég pæli í öllu mögulegu í sambandi við þessa sögu .. jeiij, og svo þarf ég að hella mér í að gera Geographie verkefni. Það verður gaman því að ég skil ekki orð í tímum, skildi ekki orð á fyrirlestrinum sem að við áttum að undirbúa fyrir verkefnið, og skil ekki verkefnið .. JEEEEEEEEEIJ !

Á þriðjudaginn fór ég með Dominique til Calais, heimsóttum Aude- miðjusysturina. Hún er nýbúin að kaupa hús á geggjuðum stað í miðri sveit... gæti ekki ímyndað mér flottari stað til að búa á ! Við fórum á svona útsýnispall þar sem maður gat séð yfir sjóinn England.. Þetta var magnað ! Ég ætla að flytja í bæinn við hliðiná þessum stað.. Hann heitir Escalles- ef ég hverf eftir 10 ár, that's where i'll be :D
Ég gerði í fyrsta skipti eitthvað íslenskt fyrir þau síðan ég kom! Bjó til Kryddbrauðið mitt, og þau elskuðu það.

Á miðvikudaginn var verslunarferð til Amiens ásamt Dominique og Anne-Charlotte. 

Oh hvað það er endalaust gaman að versla hér ! Keypti mér pils, buxur og stígvél fyrir veturinn :)
Á föstudaginn fóru Dominique, Charles og Louis til Marokkó, þannig ég og Anne-Charlotte erum bara einar..
Vinir hennar komu á föstudag og laugardagskvöld, og það var heitapotts partý (já gleymdi að segja að það er kominn heitur pottur hér ! ) og spilapartý. Þau spiluðu Gusgus látlaust - elska það ! :D
Deginum í dag verður eytt í að reyna að skilja Geographie og á morgun ætla ég til Arras að hitta vinkonu mína, Maria :)

* Í gær kom vetrartími.. þannig að núna munar bara einum tíma á Íslandi og Frakklandi
* Í kvöld eru Coldplay tónleikar í París... og 14.des eru líka, ég kemst á hvoruga, því að í kvöld eru fáránlegir tónleikar sem eru auglýstir, er bara verið að gefar miða í getraunum og þannig, ekki neitt selt ! Og í des, er prófavika hjá Anne-Charlotte , og hún væri sú sem að færi með mér...
* Hey, ef að ykkur dettur einhvað sniðugt íslenskt til að elda eða baka í hug, látið mig vita ! Mig langar að gefa þeim eitthvað en dettur ekki neitt í hug !
* Elsku amma Hafdís á afmæli í dag... Til hamingju aftur <3 !

Ég lofa að vera duglegri að blogga... bæði fyrir ykkur og mig, því að ég man ekkert hvað ég er búin að vera að gera þegar það líður svona langt á milli.. (ég er örugglega búin að gleyma að skrifa eitthvað sem ég ætlaði að skrifa)

Adieu,
Katla
 :) <3 :D

Meðgangan hafin: 1 mánuður búin- 9 mánuðir eftir :)

Í dag er mánuður síðan ég kom til Frakklands.  Þetta hefði alveg eins getað verið 1 vika, mér finnst þetta vera svo lengi að líða ! En það er bara eðlilegt held ég... 

Eins og ég sagði þá er meðgangan hafin. Ég er að lenda á jörðinni eftir PARÍS <3 <3 og SUMAR ENNÞÁ...  og ÓDÝRT AÐ VERSLA ... Og núna hefst vinnan; læra -tala -skrifa frönsku, grow up og hætta að vera með heimþrá, og kynnast sem flestum.  Ekkert af þessu verður piece of cake, en það er það skemmtilega við það þegar upp er staðið- að ég hafi unnið fyrir þessu :)

Dagarnir hérna verða bara heitari og heitari...  Þegar ég fer í skólann á morgnana er skítakuldi en svo þegar skólinn er búinn er maður að bráðna niður því það er svo heitt! Þannig ég kýs heldur að vera kalt í þessar 10 mín sem ég er úti á morgnana heldur en að vera í svitakófi í síðustu tímum dagsins, og klæði mig í létt föt á morgnana.

Ég er búin með 3 vikur í skólanum og það gengur bara ágætlega.. Enskan er ekkert mál fyrir mig, eða það finnst mér ekki, en Enskar bókmenntir -sem ég hélt að væru eitthvað fyrir mig, eru bara alls ekki fyrir mig ! Annað hvort veit ég ekkert hvað kennarinn er að tala um( hugtök sem ég hef aldrei heyrt og allir aðrir þekkja), eða bara ég gleymi að gera heimavinnuna (sem er ólíkt mér og ég bara veit ekki hvað er í gangi). Svo í hinum tímunum skil ég lítið sem ekkert. En í frönsku er ég búin að fá bækur sem eru fyrir 3-6 ára krakka og það er fínt fyrir mig, er að lesa svona orð og læra hvernig á að bera fram stafina, minnir mig á 1.bekk þegar maður var að lesa Sísí og Lóló eða hvað sem það nú hét :) Svo íþróttu er nú ekkert að skilja, bara hlaupa og það næstu vikurnar...  Fyrsti tíminn var hell ! Enda ekkert skrýtið, ekki búin að vera í íþróttum af viti síðan síðasta vor og svo ætla að fara að brillera í hlaupi hérna fyrsta tímann, ó neiii... svo gleymdi ég líka að teygja á eftir hlaupið þannig að ég var með verstu harðsperrur sem ég hef fengið næstu daga haha.. En næsti tími var ekkert mál :)

Ég er ekki búin að eignast eh geggjað marga vini en Maria og Rob eru ágætis vinir mínir :) 

Sumir dagar eru betri en aðrir hérna ! Eins og 19.09 :) Byrjaði daginn á því að hafa ekkert strætóvesen, í fyrsta skipti, svo fór ég í bæinn og gerði góð fatakaup, chillaði svo á Place Du Wetz D'amain og fékk svo uppáhaaaalds smsið mitt í heimi .. Coldplay í París 14.des - frá pabba... Ekki víst að ég farin reyndar, langar óeeeeeendanlega mikið og búin að fá leyfi en Anne-Charlotte er í prófum akkúrat í þessari viku og hún væri sú sem færi með mér... En hún ætlaði að reyna að finna lausn..
En langaði bara að segja ykkur að þó ég sé með smá heimþrá þá er ég að eiga góða daga hérna :)

Síðustu helgi skelltu Dominique, Charles og Anne-Charlotte sér til Mallorca. Þannig ég var hjá Céline í 2 nætur.. Hún var með markað laugardag og sunnudag, og ég var með henni.. Annar markaðurinn var á Cité Natura/Safni náttúrunnar. Það var geggjað ! Allar plöntur heimsins þar liggur við þ.á.m. vínakur - þar mátti maður taka vínberjaklasa að vild nammi! En það var aðeins of geggjað veður fyrir litla Íslendinginn þarna.. Ég held ég hafi fengið minn fyrsta sólsting á sunnudeginum.. Og á laugardagskvöldið smakkaði ég kanínu í fyrsta skipti og það var bara hið besta kjöt !

Ég kom heim til Mondicourt um 18 á sunnudaginn og þá fór Louis heim til Céline þannig ég var ein heima.
Þegar þau komu heim brún og sæt, gáfu þau mér armband og hring með Mallorca perlum - æðiiiislega flott !

Þessi helgi er búin að vera sweet !

Á Föstudaginn var enginn skóli fyrir mig þannig ég svaf bara út, eða þannig. Þessir verkamenn eru að gera mig kreysí, eru mættir klukkan 8 og eru með læti ! En þeir eru ekki um helgar þannig guði sé lof :) Ég hef aldrei gefið mér tíma til að skoða Mondicourt almennilega þannig ég tók smá rölt um bæinn fyrir hádegi. Svei mér þá, ég held að það eina fyrir utan íbúðarhús sé kirkjan ! Um 14 hentist ég út í sundlaug, synti smá og lá svo í sólbaði í 2 tíma  <3. Um kvöldið fór ég með Dominique, Charles og Louis út að borða. Fórum á lítinn sætan stað í Doullon, sem er svona 10 mín héðan. Í forrétt fékk ég mér froskalæri, sem voru bara mjög góð, aðalrétt, lamb sem var allt í lagi, en ég held að það sé ekki það besta fyrir stelpu sem hefur alist upp við að fá úrvals lambakjöt úr heimahaga , þannig auðvitað fannst mér þetta síðra en Krosslamb heh :D, svo í eftirrétt fékk ég súkkulaðiköku - djúsí dauðans ! hún var í laginu eins og muffins svo þegar ég tók fyrsta bitann þá lag heitt súkkulaði út úr henni ! ó lord hvað hún var góð .

Í gær Laugardag slakaði ég bara á fyrri hluta dagsins. En um 15 fór ég með Dominique, Céline og Matteó í bæjarferð til Arras. Það var gaman, þó ég keypti mér ekki neitt. Leið eins og ég væri komin á Laugarveginn á góðum sumardegi, hitin fór í yfir 30°C. Helling af fólki í góðu skapi, tónlist í hátölurum allstaðar og svo enduðum við ferðina á því að fá okkur ostaköku í Me and You, þangað fer ég aftur ! Kíktum líka í búðina sem Anne-Charlott vinnur, það er svona barnabúð- ég þangað þegar ég er ólétt ! Matteó kom með okkur heim og við fórum í sundlaugina. Um kvöldið ætlaði ég að kynna þeim fyrir íslenskum húmor og sýna þeim Dalalíf en það var ekki neinn texti þannig það var vonlaust að horfa á það.. Þannig við horfðum bara á Hors du prix, sem þau höfðu reyndar aldrei séð og höfðu gaman af :)

Í dag er bara búin að vera slökun aldarinnar! Fyrir hádegi fór ég með Anne-Charlotte og Charles á æfingu Lauru og Anne-Charlotte, (Laura er hestur). Magnað að sjá hvað hesturinn getur hoppað yfir hátt ! Í hádeginu komu Céline og co. og borðuðu með okkur. Svo voru þau hér þangað til að verða 18. Við láum bara öll í sólbaði og fórum í sundlauguna þegar okkur var of heitt.. ljúft !

Randome punktar
- Allar stelpur eru mjög nákvæmar þegar glósur í tímum varðar, ef að þær gera minnstu vitleysu þá er náð í tippexið, á meðan ég krota bara yfir villuna og skrifa áfram. Svo eru allar línur þráðbeinar því að þær nota reglustiku alltaf þegar þær gera einhverja línu, á meðan ég treysti bara á það að ég sé ekki skjálfhent og krota blátt áfram !
- Hér heilsast strákar með handabandi þegar þeir hittast, og það er svo fyndið að sjá suma því þeir eru með eitthvað þaulæft handaband, eins og í einhverri amerískri High shcool mynd haha...
- Maturinn hér er góóóður, og ég er orðin svo dugleg að prófa, þó að það líti ekki girnilega út. Ég er til dæmis bara farin að borða tómata, hætt að pína þá í mig- mér finnst þeir actually fínir ! Svo verð ég orðin svo góðu vön þegar ég kem heim að ég vil eftirétt á morgnana, hádeginu og kvöldin hehe :D

Þetta ætti að vera ágætis uppgjör á þessum fyrsta mánuði mínum hér í Frakklandi..

Ég bið að heilsa, 

á bientot,
Katla 

2 vikur í Frakklandi :)

Finnst vera komin tími á blogg þar sem ýmislegt hefur á daga mína drifið síðan síðast :)

Um daginn fór ég með Anne-Charlotte til Amiens í verslunarferð .. Það var GAMAN! Keypti mér peysu, bol, 2 buxur, peningaveski, meik og andlitskrem ( meikið+kremið bæði á 2 fyrir 1 tilboði) allt þetta á 15 þúsund kall ! Hefði getað keypt  mér einar buxur á Íslandi fyrir þennan pening ! 

Síðasta vika var frekar óspennandi ef svo má segja, var bara heima,svaf út, hjálpaði til við ýmislegt hérna heima og voða lítið annað :)

Litlu krílin hennar Celine (elsta dóttirinn) Mattéo, 3 ára og Eugénie, 1 árs koma alltaf í pössun á miðvikudögum og þau eru algjör yndi.. Og Mattéo var að kenna mér frönsku og finnst ótrúlega fyndið þegar ég kann ekki að bera orðin rétt fram..

Á laugardaginn fór ég með Dominique til miðju dótturinnar Aude að hjálpa henni að pakka í kassa því hún er að flytja.. Hún á krúsí dóttur ... Þannig ég á BARA sæt fóstur-systra-börn :)

Svo byrjaði ég nú loksins í skólanum á mánudaginn ... 

Ég var kynnt fyrir stelpu (sem ég er búin að gleyma hvað heitir) sem kann ensku .. Það eru sko ekki allir sem tala ensku þarna.. En já hún kynnti mig svo fyrir annari stelpu sem er alltaf með hinum 3 skiptinemunum. Hún heitir Elisabeth og talar frönsku,ensku og spænsku. Hinir skiptinemarnir eru á vegum Rotary, Rob sem er þýskur en bjó einu sinni í Ástralíu og talar þvílíka áströlsku og einnig frönsku.. hann er voða hjálpsamur og er alltaf til í að hjálpa mér ef ég skil ekki eða veit ekki eða bara what ever.. Maria er frá Mexíkó og er mjög fín stelpa. Hún talar ekki frönsku og ágæta ensku, þannig við erum á sama leveli. Abby er frá Usa og er nice ;)
Ég er með Rob og Mariu í bekk þannig við erum svoldið mikið saman. 

Ég er búin með fyrstu vikuna og hún var ekkert svo auðveld skal ég segja ykkur ! Ég er í : Frönsku, Litterature(sem er bara franska), Anglais LV Renforce, Anglais Lv, Enskri litterature (eeelska þennan áfanga þó ég sé bara búin að fara í 2 tíma ), Sögu, og svo heimspeki (er reyndar ekki búin að fara í þann tíma því ég missti af honum). Ég skil ekkert í frönsku og sögu, því það er töluð franska allan tímann og ég glósa eh sem ég skil ekki orð í, það er svoldið erfitt að vera í 4 frönsku tímum á dag. 

Krakkarnir í skólanum eru voða nice við mig en mér finnst svoldið skrýtið að koma svona inn á eftir, vika búin af skólaárinu þegar ég kom. Þau eru öll bara, Ef þú skilur ekki þá geturu spurt mig o.s.f.v. :)

Svo er það ævintýrið um Kötlu og strætó. 

Suma morgna get ég farið með Anne -Charlotte í skólann en suma þarf ég að tala strætó , og eins þegar ég er búin í skólanum. Á þriðjudaginn fór ég með strætó kl. 8 og átti að koma á stöðina mína í Arras kl.8:40 , þegar hálftími var þangað til tíminn byrjaði. Anne-Charlotte var búin að sýna mér leiðina frá stoppistöðinni og í skólann þannig þetta ætti ekki að vera mikið vandamál, og sérstaklega þegar ég hafði svona góðan tíma.  En það fór öðruvísi en áætlað var, því að ég hafði greinilega ekki horft nógu vel í kringum mig þegar var að leggja leiðina á minnið, því að ég fór fram hjá  öllum stoppistöðunum því að mér  fannst engin vera sú rétta og fór út á endastöð ! Ég fór í panikk og spurði stelpu sem var þarna hvort hún vissi leiðina í skólann, hún gat sagt mér það og ég lagði af stað. Svo þegar ég var búin  að fara eftir hennar leiðbeiningum var skólinn hvergi sjáanlegur þannig ég fór að spyrja fólk leiðar. Þá fékk ég aðrar leiðbeiningar og ég fór eftir þeim en sá skólann ekki .. Þannig ég ákvað að senda Anne-Charlotte sms til að segja henni frá þessum hremmingum mínum. Ég hafði rambað á rétta götu þannig ég labbaði bara upp hana lengi lengi og kom þá loks að skólanum þegar 20 mín voru eftir af tímanum, þannig ég ákvað að mæta ekki heh..  Miðvikudagurinn var heldur skrautlegri, ég vaknaði kl.5:30 til að ná strætó kl. 6:30, og nú var búið að finna manneskju sem fór með strætó á sama tíma til að segja mér hvenær ég ætti að fara út, það var ekkert mál og ég rataði núna í skólann og mætti á réttum tíma. Ég var búin kl.12 og strætó fór kl.13. Ég sendi Dominique sms og sagði að ég ætlaði bara að borða þegar ég kæmi heim kl.14. Svo beið ég á stoppistöðinni og þegar strætó kom þá var hann ekki að fara til Mondicourt. hmm.. skrýtið, þannig ég leit á strætóplanið og þá er öðruvísi á miðvikudögum, hann fer kl.13:39 , nú jæja það skaðaði nú ekki að bíða í rúman hálftíma í þessu góða veðri. Ég sendi Dominique sms aftur og sagði að ég kæmi ekki kl.14 því að strætónum seinkaði.. en svo kom strætó ekki kl. 13:39. Þannig ég beið bara og beið, og spurði alla strætóbílstjórana hvort þeir væru að fara til Mondicourt og enginn var að fara þangað. Ég lét Anne-Charlotte vita af þessu og hún var í skólanum og gat ekkert gert í þessu en fannst það mjög leiðinlegt. Svo var ég búin að taka eftir því að það var einhver strætóumferð annað slagið hinum megin við götuna þannig ég ákvað að labba þangað og sjá hvað var svona merkilegt við það .. Þá var mín megin við götuna, þar sem ég hafði beðið INN í Arras og hinu megin ÚT -til Mondicourt. Þá hafði sá strætóinn kl. 13 farið fram hjá mér og ég alltaf að horfa á vitlaust plan, og engum strætóbílstjóranum datt í hug að segja mér að fara hinum megin við götuna! Nema sá síðasti, hann hljóp meira segja út úr strætónum og útskýrði þetta allt fyrir mér (en þá var ég nú reyndar búin að átta mig á þessu en mér leið strax betur). Þetta var ekkert beint það skemmtilegasta sem ég hef lent í og var við það að bara fara að grenja, ég vorkenndi sjálfri mér svo mikið að bíða úti eftir strætó í bongóblíðu hehe ! Svo sendi Dominique mér sms og spurði hvort ég væri í strætó, ég bara nei, veistu hvenær Anne-Charlotte er búin í skólanum?. Síminn hringdi og það var Celine, var búin að fá fregnir af því að ég væri í einhverjum vanda og bauðst til að ná í mig og leyfa mér að vera heima hjá sér þangað til Dominique kom með krakkana hennar heim. Ég þáði það og var mjög þakklát ! Svo fékk ég að borða heima hjá henni og dúllaði mér að læra smá frönsku. Þannig ég kom heim rétt fyrir 19 en ætlaði að vera komin heim kl. 14.. 

Í gær,fimmtudag, ætlaði ég bara að ná strætó eins og venjulega um morguninn og beið inni í skýlinu því það var svo kalt, maður á að vera hinum megin við götuna. En þegar ég sá strætó lagði ég af stað yfir götuna eins og engin væri morgundagurinn, en neinei, þegar ég er hálfnuð með götuna brunar strætóin bara fram hjá mér og bílstjórinn horfði bara á mig.. ég bara shit, næsti strætó færi í hádeginu og enginn til að skutla mér ! En svo reiknaði ég út að Dominique ætti að fara að koma heim eftir að hafa skultað Louis í skólann, þannig ég sagði henni frá þessu og hún pikkaði mig upp og skutlaði mér í skólann. og svona 2 mín eftir að ég kom inn þá hringdi bjallann ! 

Eftir þetta strætó drama ætti ég að hafa lent í ÖLLU sem hægt er að lenda í, í sambandi við strætó og vona að þetta gangi betur í næstu viku :) 

- Ég er farin að skilja betur frönsku, en voða lítið farin að tala..

- Ég elska fromange eða osta. Það er alltaf smá biti á eftir kvöldmatnum..ég mun koma með slatta af því heim til Íslands :)

- Veðrið er eins gott og óskast gæti, yfir hádaginn er yfirleitt um 20 °C og stundum fram á kvöld, í síðustu viku borðuðum við matinn úti kl.20 í 23 stiga hita :)

That's it for now..
Au revoir,
Katla :)

Fyrstu dagarnir mínir í Frakklandi

Nú er ég búin að vera í Frakklandi í 4 daga, og líkar vel ! :)

Föstudagur.
Við (ég, Íris, Valdís, Guðlaug, Dóra, Sædís, Ásgeir og Bergþór) mættum í Leifsstöð 5:40 á föstudagsmorgun og flugið átti að vera kl. 7:40. En svo kom í ljós að flugið var ekki fyrr en 9:30 ... jeiiiij ! Kvaddi mömmu, pabba og Odd og svo fórum við nokkra hringi í fríhöfninni og sátum og spjölluðum til 9. Við Íris hittum Ingibjörgu sem er að fara til London sem aupair .. Svo var lagt af stað til Parísar. Og um 14:30 stigum við út úr vélinni sem hét btw. Katla ! og í vægast sagt goooooott veður ! eh um 30 stiga hiti ... Svo biðum við eftir farangrinum og sáum svo Lise, sjálfboðaliða AFS.. Það  var víst eitthvað mikið vesen í gangi þvi að öllum flugum var frestað og lalalaaa... þannig við fórum og biðum eftir krökkunum frá S-ameríku því að þau voru týnd á flugvellinum, og við hittum usa krakkana sem eru 46 talsins ! Svo var lagt af stað með rútu á Hostelið okkar sem var í 20 hverfi. Og umferðið í París er engu lík, allir pirraðir og keyra út um allt og svo mikið öngþveiti (eða hvernig sem að maður skrifar það).. Svo þegar við komum á Hostelið var okkur skipað niður á herbergi og ég var með 2 stelpum. '96 frá Kólumbíu og '95 frá Usa. Matur kl 19. og hann var ekki spennandi... ég fékk mér ógeðslegt bygg,túnfisks,ólífu jukk í forrétt, svo var pizza í aðalrétt og hún var bara ógeð ! en eftirrétturinn var fínn... kókoskaka. Svo hlógum við  pempíurnar frá Íslandi af því hvað ekkert var nógu gott fyrir okkur ; Maturinn ógeð, vatnið vont og ekki nógu kalt, herbergin skítug og vond lykt allstaðar ... Eftir mat spiluðum við og fórum snemma í rúmið ..

Laugardagur.
Við krakkarnir (íslensku) ætluðum að hittast í morgunmat kl. 9.  En svo kom sjálfboðaliði og ræsti alla í mínu herbergi kl. 7:30 bara til að segja að klukkan væri hálf 8 ! Eftir mrg.mat fórum við í skoðunarferð um París með rútu í 30 stiga hita ! Það var alveg æðislegt og borgin falleg ... En við fórum bara út á einum stað, Eiffel turninn. Æðislegt! en við fórum bara upp að honum en ekki upp í hann.. Eftir þetta voru allir dauðþreyttir og ég lagði mig í 1 og 1/2 tíma. Svo var frekar tilgangslaus oriantation í 3 tíma, þau hefðu getað sagt okkur þetta allt á klukkutíma een okai :) Kvöldmaturinn var skárri þetta kvöldið ..  Svo kom alvöru hitaskúr og þrumur&eldingar... Welcome meeting um kvöldið, þar sem okkur var sagt hvernig morgundagurinn yrði og allt það, ég er eini íslendingurinn í Artois.. Og ég gleymdi að kveðja alla krakkana !

Sunnudagur.
Morgunmatur um 9 og út úr herbergjum kl.10. En ég átti ekki að fara fyrr en kl.11:45 þannig ég bara sat og beið... Svo kvaddi ég Guðlaugu sem fór um 10...  Artois hópurinn (minn) fór á Gare du Nord lestarstöðina og ég var eins og hálfviti með bakpokan framan á mér... ég ætlaði sko ekki að láta stela af mér ! :) Svo var okkur sagt þegar við komum þangað að við þyrftum að bíða í 2 og hálfan tíma... sátum bara á gólfinu og gerðum ekkert.... ! Svo var lagt af stað til Arras, enga stund að fara þar á milli ! Þar hittum við fósturfjölskyldurnar og ég hitti Dominique, fósturmömmu mína  :) Svo var einhvern smá fund og svo fórum við og hittum elstu systurina Céline, manninn hennar og sætu börnin hennar, 3 ára strák og 18 mánaða stelpu... Maðurinn, held hann heitir Phillipe, heldur með MU ! :D Céline er með fyrirtæki sem selur vörur frá bændum, t.d. eplasafa sem er mjöög góður og allskonar Jógúrt .. Svo keyrðum við "heim" til Mondicourt,  hitti pabbann, Charles sem er krúttlegur kall. Svo hitti ég hundana tvo, Basil og A -eitthvað , annar risastór og ljúfur, hinn er með risaskurð á maganum því að hann var að rífast við annan hund, og hann er alltaf með sárabindi með hunangi til að láta sárið gróa og stuttermabol ... og hann er lika sætur og góður... Svo hitti ég bróðirinn sem er '94 og heitir Louis Eduard og vin hans, og þeir kysstu mig báðir, sem er bara allt í lagi en svo kom vinur hans sérstaklega upp í herbergi til að kyssa mig bless hehe ! Og þegar ég tala um að kyssa þá meina ég ekki koooosssssss ;*;* heldur http://www.youtube.com/watch?v=quV0o0bib-k ;) Svo sýndi mamman mér húsið, sem er STÓRT... allt svo flott og fínt, held án djóks að þetta hafi verið einhver herragarður hérna í denn...  og ég er með lítið sætt herbergi á annari hæð.. :) ég átti erfitt með að rata hérna fyrst því að það eru helling af stigum og hurðum ... um 18 kom Anne- Charlotte heim... Matur kl 20. Það var súpa og tartes (baka) sem var mjööög góð ! og svo ostar á eftir.. .Svo fór Anne-Charlotte fram og kom inn syngjandi afmælissönginn fyrir mig og allir tóku undir. Og ég fékk líka gjafir :D Hárbursta, snyrtitösku og bók til að skrifa eftirrétta uppskriftir í :) Kakan var mjöög góð ! Eftir matinn gaf ég þeim gjafirnar frá mér og allir alsælir ... Fyrir svefninn horfði ég á Band of Brothers þátt, sem er eitthvað fyrir þig pabbi !  :)

Mánudagur.
Vaknaði úthvíld kl.9 og fékk mér morgunmat.. Fór með Anne-Charlotte og Dominique í göngutúr með A-hundinn hehe.. Allt í umhverfinu svo franskt ! Alveg eins og í bíómyndunum ...
Eftir hádegi fórum við Anne-Charlotte til Arras, ég fékk mér franskt símanúmer, hún gaf mér 2 kennslubækur í frönsku (önnur fyrir 8-11 ára hahaha) og svo hittum við vini hennar.. og þau reeeyktu ! Heldur betur .. og annar er alveg eins og Gunni hennar Betu. ALVEG EINS! Á heimleiðinni áttum við systur gott spjall og hún bara, ef að þig vantar eitthvað , vilt tala um vandamál os.frv. láttu mig vita ! svo nice :) Syntum í sundlauginni þegar heim var komið, ég ætla að vera súper dugleg að synda.. koma mér í gott form...hehe..
Svo mamma - í matinn var eitthvað sem þú ættir að prófa ! það var svona mini kúrbítur sem var búið að skera að mestu innan úr og fyllt með  með einhverju kjöti, leit út eins og túnfiskur en veit ekki hvað var. Svo var ofan á Timian held ég eða Rósmarín.. algjört lostæti .. Eftir mat var ég beðin um að segja þeim frá deginum mínum á frönsku og ég bara: ég borða jógúrt, ég ferðalag Arras með Anne-Charlotte, ég sími, ég borða súpu. Og þau bara Trés bien. Mamman og pabbinn voru ánægð að ég reyndi að tala frönsku :) Svo er Louis alltaf að reyna aða tala á ensku við mig, hann í gær: I love your cd :)  Um kvöldið var þáttur sem heitir L'amour est dans le pré.. Sem er svona raunveruleikaþáttur um fólk sem er ný byrjað saman og er frekar glatað.. svoldið fyndið :)

Í dag svaf ég til hálf 12 og er búin að vera bara að slaka á, er komin með eitthvað ógeðskvef..


- Ég er ekki byrjuð í skóla, því að það gengur erfiðlega að finna fyrir mig, einn vildi ekki fá mig því ég tala ekki frönsku, svo segja aðrir að það sé of seint að sækja um en þau segja að þetta verði allt í lagi..
- Hérna er ekta sveit, hundar, hestar, hænur og gæsir.
- Hitinn er búin að vera á milli 20-30 en núna er kalt ...
- Allar myndir og allir þættir eru talsettir, fyndið að sjá Cougar Town á frönsku ...

Jæja þetta er ágætt í bili held ég :)

Au revoir,
Katla

Búin að fá fjölskyldu !

Í gær fékk ég fjölskyldu, eftir langa bið ..
Ég mun búa í litlum sætum bæ mjög norðarlega í Frakklandi sem heitir Mondicourt og er í Pas-de Calais héraðinu.
Mamman er 53 og heitir Dominique Coisne, pabbin er 51 og heitir Charles-Philippe Coisne.
Svo á ég 3 eldri systur, þær Céline Marcotte (32),  Aude Marcotte-Orgaer (28) og Anne-Charlotte Coisne (22).
Svo er bróðirinn Louis-Edouard Coisne jafn gamall mér og er að fara til Suður Afríku í vetur sem skiptinemi.
Mér skilst að þau eigi hesta, sem er náttúrulega bara gaman, og svo tvo hunda.


Nú er bara að byrja að pakka og kveðja alla!
Vika í þetta!
Au Revoir,
 Katla